En Mana kannadi

ஆண்களாய் இருப்பது ...................

அடக்கவேண்டிய அவசியமேதும் இருப்பதில்லை ,
தோன்றும் கணத்தில் கழிக்கலாம் தெரு ஓரங்களில் கூட,

கூட்ட நெரிசலில் வேர்த்து போனால்
கவலை இல்லை சட்டபொத்தான்களை கழற்றினால் போதும்
காற்று வாங்க ,

அடை மழையில் நனைய நேரிட்டால்,
ஒதுங்கும் கடைகளில் குளிருக்கு இதமாய்  தேநீர் பருகலாம்,

ஒப்புதல் எதுவும் தேவையில்லை 
நண்பனின் அறைக்கு நடுநிசியில் போக,

தலைவலியோடு  வீடு  திரும்புகையில் சூடான காபி கிடைக்கும்
வலியின் வீரியம் குறைக்க ,

அவசரங்களில் அடுக்கிய சட்டைகளை கலைத்தால் 
பரவாயில்லை 
திரும்ப அடுக்க அவசியமேதுமில்லை

மேல்சட்டை அணியாமல் இருந்தால் போதும்
முற்றும் துறந்தவனென தெரிவிக்க,

வாந்தி, மயக்கம், வலிகள் 
எதுமின்றி பிள்ளைகள் பெயரின் முதல் எழுதாகலாம் 

ஆமாம்!
 ஆண்களை இருப்பது தான் எத்தனை சௌகர்யம் !