Skip to main content

 பிறந்த நாள் வாழ்த்துக்கள் 2016

உனது எல்லா பிறந்த நாளுமே பரிசுகளால் விடிவதில்லை பிரியங்களால் விடிகிறது. எத்தனை அன்பு நம்முள் இருந்த போதிலும் சொல்லி கொண்டே இருப்பதில்லை எல்லா நாளும். இனி மறைத்ததும் மறந்ததும் போதுமென வந்து போகிறது வருடத்தின் இந்நாள் .
காதலுக்கு தூது வரும் நண்பனெல்லாம் அண்ணனாகி போவான் என்ற தமிழ் சினிமா விதிகளில் ஒன்றும் மாற்றம் வரவில்லை நமக்கு ஆனால் அதன் பின்பு அவர்கள் காட்டிய, விதித்த தூரங்களை தாண்டி வெகு தூரம் பிரியங்களின் பற்றுதலில் கொஞ்சமும் தொய்வின்றி பயணித்து கொண்டிருக்கிறோம்.
நம்மின் இந்த பெயரிட முடிய பேரன்பிற்கு புனைபெயரிட்டு சலித்து போனார்கள் நம் நலன் விரும்பிகள்.
அவர்களின் யூகங்களை தெரிந்து கொள்ளவும் விரும்பாத குடும்பமும், சொல்லாமல் வந்த நம் பிள்ளைகள் கொண்ட பரஸ்பர அன்புமே புறம் பேசியவர்களின் அனுமானங்களுக்கான விடைகள்.
திருமனத்திற்கு பின் 90 %
பெண்கள் what up-ல் வாரத்திற்கு ஒருமுறை forward message அனுப்புவதே இன்னும் நட்பை தொடர்வதாக நம்பி கொண்டிருக்கும் நிலையில் வாழ்வின் பரபரப்பில் அன்பு, ஆறுதல் பொருளாதாரம், தைரியத்தின் வழியே வந்து கொண்டே இருக்கிறாய் தேவைகள் உணர்ந்து எங்களுடன்.
எதன் இறுதியையும் அறுதியிட்டு கூறமுடிய உலகில், இறுதியென்று எதுவும் இருக்கபோவதில்லை என்பதை மட்டும் உறுதியாய் சொல்லிட முடியும் நம் உறவில்.
நன்றியையும், அன்பையும், பரிசையும், உதவியையும் , வாழ்த்தையும் கூட பிரியத்தின் வழியே எதிர்நோக்கும் உனக்கு, என் அன்பின் சிறு பாதியை மட்டுமே சொன்ன இந்த கடிதமே உன் இந்த பிறந்த நாளின் எதிர்பாரா பரிசாகியிருக்கலாம்.
இனிய பிறந்த நாள் வாழ்த்துக்கள் அண்ணா !!!!!!!!!!!!!!!!!!!!!!!!!!!!!!!!!!!!!!!!!
Kalpana Prakash, Kalavathi and 96 others
29 Comments
2 Shares
Like
Comment

29 Comments

View 19 more comments

Comments

Post a Comment

Popular posts from this blog

பாலியல் பிரச்சனைகள்

உலகெங்கும் நடக்கும் பெண்களுக்கு எதிரான அநீதிகளில் பாலியல் கொடுமைலளுக்கு தான் முதலிடம் தரலாம். அதிலும் இந்தியாவில் நடக்கும் பாலியல் வக்கிரங்களை division sub division கொண்டும் பிரிக்கலாம் போல .வருடத்திற்கு அல்ல நாள் ஒன்றிற்கு நடக்கும் பாலியல் பிரச்சனைகள் (அதும் வெளியில் தெரியும்) புள்ளி விவரங்களை கேட்டால் அதிர்ந்துபோவோம் நாம் அனைவரும். ஆனால் அந்த ஒரு நிமிடம் மட்டுமே! அடுத்த வீட்டுக்கு நடக்கும் அநீதிகளுக்கு "அச்சசசோ" என்று பரிதாபம் காட்டிவிட்டு நமக்கு நடக்காதவரை நல்லது என்று கடந்து போய்கொண்ட இருக்கிறோம் அனைவரும். கடல் போன்ற பிரச்சனையின் துளி தெரியும் நமக்கு, முழுவதும் தெரியாமல் போவது இன்னும் பெரிய அவலம். நாள்தோறும் கற்பழிப்பு பற்றிய செய்திகள் வந்து கொண்டே தான் இருக்கிறது தொலை காட்சியிலும். செய்தி தாள்களிலும். அறிந்து கொண்டே தான் இருக்கிறோம், அதை தாண்டி நகர்ந்து கொண்டே தான் இருக்கிறோம். புள்ளிவிவரங்களால் பெருகி வரும் இந்த பிரச்சனையின் மூலமும், வரும் காலமும் குறித்த புரிதல் இல்லாமல் இருப்பது பெரும் துயரம். இந்த பிரச்னை குறித்து விவாதிக்க துவங்கும் பொழ...
Post a Comment
Read more
பணி பெண் ஒருத்தி !!!!!!!!!!!!!!!!!! முழுவதுமாய் உலராமல் ஈரம் படிந்த கூந்தலுடன் பணிக்கு ஆயத்தமாவாள், அமர்ந்திருக்கும் அழகு பெண்ணின் முடி உலர்த்த, அது முடிந்து புருவம் திருத்துகிறாள் மாறி மாறி ,ஆடி கொடுத்து ஒப்புதல் பெற சரியென்பவர் எவருமிருப்பதில்லை, திருத்தம் சொல்ல மீண்டும் திருத்துவாள், அதன் பிறகு அறையடி கூந்தலை காலும் அறையுமாக்குவாள் கூந்தலை முடியா சபதமேற்ற பெண்களுக்கு, இடை இடையே அவள் நிறுவன தயாரிப்புகளுக்கு இவளே விளம்பர நிர்வாகியாகி விற்பனைக்கு மெனக்கெடுவாள் ப்ளீச் என்போரிடம் கூடவே பேசியலுக்கும், வேக்ஸ்ங் செய்வோரிடம் பெடி-க்யூர்-க்கும் சிபாரிசு செய்து வந்திருக்கும் பெண்ணின் அழகுக்கும், அவள் முதலாளியின் லாப கணக்கிற்கும் பாடுபடுவாள், இரவின் முகப்பில் இறுக்கி பிடித்த ஜீன்ஸ் பேண்ட களைந்து சுடிதார் துப்பட்டாவிற்கு மாறி இப்போது காய்ந்திருக்கும் தலையை பின்னி முடித்து அலங்காரம் கலைத்து வீடு திரும்புவாள் அழகு நிலைய பணி பெண் ஒருத்தி !!!!!!!!!!!!!!!!!!  
Post a Comment
Read more

சொல்லதீங்க! Please!

ஒருவர் ஹெலிகாப்டரில் வந்திறங்குகிறார், இன்னொருவர் வரும் முன்பு வெப்பத்தை தணிக்க ஒரு லாரி தண்ணீர் தெளிக்க படுகிறது. மற்றொருவர் பிரச்சார  மேடையில் ஒன்றிற்கு நான்காய் air cooler  நிற்கிறது. பிரச்சார சமயங்களில் கூட வெயிலையும் சந்திக்காது, அவர்களது சுகபோகங்களையும் இழக்காத இவர்களுக்கெல்லாம் மின் வெட்டு  என்பது என்னவென்றே தெரியாது. மின்வெட்டை ஒழிப்போம் என்றும் சொல்லும் எல்லா அரசியல் தலைவர்களும் மின் வெட்டு என்பதை முழுவதும் அல்ல கொஞ்சமும் அறியாதவர்கள். அதனால தயவது செய்து உங்களது எல்லா தேர்தல் பிரச்சாரங்களிலும், Letter-ல  இப்படிக்கு சேக்குரமாதிரி, மின் வெட்டை ஒழிப்போம், கச்ச தேவை மீட்போம்-னு சொல்லதீங்க!  Please!
Post a Comment
Read more