En Mana kannadi

புத்தாண்டு பிறந்ததாய் ஆர்பரிக்கிறார்கள் இவர்கள் யாவரும் ! நீ விட்டு சென்ற புள்ளியில் நின்று கொண்டிருக்கும் எனக்கு , நீ வந்த பிறகே பிறக்கும் புது ஆண்டு !

எதிரெதிர் துருவங்களாய் இருக்கிறோம் எப்போதும்  ஆனால்  காந்தத்தை  போல ஓட்டிக்கொண்டே !

ஜனனமும் மரணமும்   ஒரு முறை என்று யார் சொன்னது? நித்தமும் நிகழ்கிறது  இவை எனக்கு உன் தயவால்!

  சண்டையிடும் இரவுகளின் விடியலை, முத்தங்களால் துவங்கி வை! கோபத்தின் அனல் கொண்டு,பேசிய வார்த்தைகள் யாவும்  கரைந்து விடாதா  அந்த எச்சில் ஈரத்தில் !

  'காதல்' என்ற சொல்லை உச்சரிக்கும்   எல்லா பொழுதுகளிலும், உன் முகம் கடந்து போவதை  தவிர்க்கவே முடிவதில்லை!

காற்றின் ஆட்டுவித்தலுக்கு இறைந்து  கொண்டே இருக்கும் மரத்தை போல , ஓயாமல்  பேசிக்கொண்டே இருக்கும் என்னை, காதல் நிறைந்த பார்வை ஒன்றால் , வாயடைக்க செய்து , மேலே கொஞ்சம் வெட்கத்தையும் படர செய்கிறாயே, அது எப்படி?

எழுதி எழுதி எழுதி உன் நினைவுகள் தீர்க்க  முயல்கிறேன்! ஆனால், பார்வை ஒன்றை வீசி, முடிதலுக்கு முடியாமை செய்கிறாய் !